Łod dziewiontego do trzinostego moja 2012 roku w samym syrcu Europy, bydzie szło przeżyć łogromny śpas. W sześciu miastach Województwa Śląskigo łodbydzie sie mocka gryfnych wydarzyń kulturalnych, na kierych żodnymu niy bydzie sie mierzło. Bydzie szło posłuchać fajnyj muzyki, potańcować, podziwać sie na film i pofajrować.

Łod dzisio bydymy łopowiadać ło artystach wystympujoncych na Dniach Województwa. Piyrszym je Woodkid.

Kiejby nom przyszło wyenklerować nazwa zespołu Woodkid, toby my pedzieli, że rozchodzi sie ło drzewianego bajtla. Terozki już chopa, kiery twardo stoi na nogach i richtik gryfnie śpiywo. I tak tyż mogymy pedzieć ło Yoannie Lemoine, francuskim liderze kapeli, reżyserze i tyż grafiku.

Muzyka, kiero robiom to połonczyni dźwiynków takich intrumyntów jak klawir, gitara akustyczno, bymbny plemiynne. Do tego fajno muzyka i niski fest ciepły głos wokalisty. Bydziecie ji radzi!

Na jego koncert zapraszomy:
11.05.2012 Plac Sejmu Śląskiego, Katowice
Godz. 20.00 – Gooral
Godz. 21.30 – Woodkid
(niy trzeja płacić)

Tukyj bydymy wciepywać nostympnych artystów:
http://gryfnie.com/wydarzenia/

A tukyj wejrzijcie na cołki plan:
http://www.facebook.com/DniWojewodztwaSlaskiego

fot. materiały promocyjne organizatora