Poznejcie familijo Gryfnie - Kultura - gryfnie

Poznejcie familijo Gryfnie

Dzisiej rozprawiomy na roztomajte tymat ze sprzedowaczkom w katowickim i chorzowskim gyszefcie Grtyfnie – Martynom Budzanowskom. Czytejcie!

1. Powiydz nom coś ło sobie, czym sie zajmujesz w Gryfnie, jak żeś tu trefiła i w kierym gyszefcie mogymy Cie trefić?

Mianuja sie Martyna i jeżech ze Rybnika. Mom moc pasji, ale jednom z nich je sprzedowanie w Gryfnie. Siostra posłała mi ogłoszynie o robocie w gyszefcie, poszłach na rozmowa (fest sie stresowałach) ale sie udało i terozki treficie mie w chorzowskim i katowickim Gryfnie. 

2. Co robisz po robocie? Jakie je twoje hobby? 

Po robocie rajzuja po górach z moim fafikiem Czosnkiem, cisna kajś na kole ale nojbarzij lubia sie trefić kajś ze moimi kamratami. 

3. Jakie je twoje ulubione ślonski słowo i czamu?

Moje ulubione ślonski słowo to je łonaczyć. Łonaczyć idzie wszyjstko. Idzie złonaczyć gardina abo łobiod. Tym słowem poradzicie wytłumaczyć wszyjstko. To je podug mie słowo – joker! 

4. Kaj sie widzisz za 10 lot? 

Jo niy poradza pedzieć co byda jutro robić, a kaj tam za 10 lot! Za to pewno jestech, że jak sie moja życiowo rajza niy potoczy, to zawdy moim kamratem bydzie ślonsko godka. 

5. Jaki towor Gryfnie je podug Ciebie nojlepszy i czamu? 

Nojlepsze som treski oversizowe, bo kożdo baba, kiero lubi luz i swoboda znojdzie co dlo siebie!

  • 21.10.2022

Co byś na to pedzioł?

Gryfnie Retro

Gryfnie Retro

Gryfnie prezentuje ledżinsy „Kaj sie ciśniesz?”. Nadowajom sie do roztomajtych szportów. Pasujom na kożdo rzić.