fot. hddod

Smykać sie to je po polsku gdzieś chodzić.

To je kajś wandrować, ale niy wiadomo kaj tak po prowdzie. Smykać idzie sie po świecie, po wsi, po polach po lasach. Ni mo sie wdycki żodnego celu.

Smykani to forma spyndzanio czasu. Idzie sie smykać po somsiadkach. Nojczyścij smykajom sie bajtle, jak ni majom co robić. Lotajom wdycki po placach.

Jak sie wtoś smyko, to przeważnie późno wraco do dom. Inaczyj tyż by szło na to pedzieć łazikowani. Taki smykani ni było dobrom rzeczom. To je przebywani w miyjscu, kaj sie niy powinno być. Smykani tyczyło tych, kierzi niy chcieli sie trzimać chałpy.

Smykula, to była tako, co lotała po muzykach i za karlusami sie łoglondała. Łojce sie łokropnie nerwowali na bajtle, kiere sie smykały, a potym późno dom przyłaziły.

Teroz smykani gorzyj wyłazi, ni ma to taki proste a to skisz tego, że momy mobilnioki. Wszyndy ło każdyj porze sie idzie z tym smykajoncym skontaktować. Smykać idzie sie tyż po internecie, po zajtach.