Spytali my sie kamratów ło nojgryfniyjsze słowa, kiere sie tyczom auta. A łoni wymiynili: pana, patyntregel, auspuf i jeszcze mocka inkszych.

Przedstawiomy Wom trzi łopisy, kiere my mieli radzi.

A jak jeszcze znocie jaki inksze słówka, to zapraszomy do pisanio w komyntarzach! Chowcie sie!

fot. abbyladybug

fot. Sh4rp_i

fot. boeke

fot. Matteo Paciotti | Photography

fot. greenkozi

Jak o mie idzie to nojgryfniejsze słowa o aucie to:

– pana – a to bez to bo jak sie chyci pana to zawsze zaczyno sie nerwowo robota..a wcale jak leje dyszcz abo na dworze je zima :)

– titek – a toż bez to ze każdy lubi zatitać jak fajno frela idzie drogom

I na koniec –auspuf– bo idzie do dekla dostać jak kery jedzie a mo go dziurawy :)

Mariusz z Pilchowic 

Kuglagry – łożyska samochodowe
Pisza o kuglagrach bo majom łone za zadanie prowadzić i podczimać wały i osie przi jak nojmniejszym tarciu i zużyciu.
Mogom łone być poddowane ociażeniom w kierunku promieniowym abo osiowym.
Kuglagry mogom być zaprojektowane do wszystkich wymagań obciażenowych.
Momy kilka rodzaji kuglagri: piyrwszy, drugi i czeci generacji, a do tego generacjo 1t i strożkowe (nazwa niy wziyła sie ze Stroszku z Bytomia).
Jakby nie paczeć to som łone bardzo poczebne w aucie.

Cyferblat – tarcza zegarowa
Jakby nie łona to by my niy wiedzieli wela jadymy, abo wela momy byny w aucie.

Titek – klakson
Titek to je tajla auta, kero je używano do robjyńo larma ze cwekym coby inksze używocze cesty doły na nos pozur.
Fest lubia sie nim bawić pod familokiem :)

Krzysztof z Rudy Ślonskij

Wszystkie słowa związane z autym są gryfne. Wiycie czamu? Bo same auta som gryfne i mają w sobie to coś.

A szczególnie gryfnie to brzmi w naszyj godce. To nic, że wiela ludzi ich nie rozumi. Mają tyn dzwięk i to brzmienie.
Jo som mom takie stare zabytki, ostanio żech jedyn zarejstrowoł na żółte blachy i fest mu przaja. Teraz to łono już jest takie wyjątkowe. Do mie zawsze było czymś wiyncyj niż autym.
A jak jada, to ni ma człowieka co by sie za nim nie obejrzoł. Tyn klang motoru, spuszczono szyba na som zol i runda po mieście. No ni ma szans żeby sie, kiery nie obejrzoł.
Wszystkich słówek żech tu nie napisoł, bo ich jest za tela ale fajniejsze myśla wybrołech. Jak mi się co spomni to dopisza.

fedra – sprężyna
zic – siedzenie, fotel
linksztanga – kierownica
getriba – skrzynia biegów
szwungszajba – koło zamachowe
auspuf – tłumik wydechowy
keta – łańcuch
byrna – żarówka
szusblech – błotnik
gelynk – przegub
klimanlaga – klimatyzacja
sziberdach – dach otwierany
glasdach – szklany dach
blinker – kierunkowskaz
knefel – przycisk
stossztanga – zderzak
kuplung – sprzęgło
wajcha – dźwignia
zygary – liczniki i wskazniki
titek – sygnał dźwiękowy

Dominik z Jonkowic kole Pszczyny