fot. Nanagyei

Jaki kwiotek idzie sprawić naszyj gryfnej frelce?

Kiej naszo gryfno frelka mo gyburstag abo chcymy ji złonaczyć jaki mały gyszynk, mogymy ji sprawić kwiotka, ino jakigo?

Nojpryndzyj dowo sie rouzy, bo je to znak, że komuś przajymy, ale ino bez sztachli, coby sie dziołszka niy zaharatała.

Porzond mogymy tyż kupić tulpy abo nelki (niym. Nelke), ale te łostatni sie kojarzom z czasami komuny, a to może być źle łodebrane.

Mogymy tyż iść na łonka eli tyż do zogrodki i podziwać sie na gynsipympki (niym. Gaensebluemchen), kokoci galoty, fijołki, modroki, boliłoczko, buterbluma, abo inaksze samorosłe. Ino dejcie se pozór, coby były bez chroboków abo inkszych paskud!

Stuliki, lipiny abo koprziwa biere sie, kiej czowieka chyto jako niymoc. Ze szlosowyj róży zaś sie mogymy zrobić tyj.

Kwieciyń i moj som miesioncami, kiej zaczynajom w Cieszynie kwiść bobołuski, toż możno nojlepij wzoś tam swoja frelka i pokozać ji te gryfne brzosty. Terozki, kiej je jor idzie szukać śniygotków eli primul.

A coby frelka ło nos dycki pamiyntała, mogymy ji dać modre łoczko.

Pamiyntejcie, że dómbek sie kupuje ino na pogrzyb abo tyż na piyrszego listopada.

A jak se niy umiymy poradzić z naszymi kwiotkami, to mogymy iść do zegródkarstwa i tam nom gibko pedzom, co robić coby piyknie rosły i żodne chroboki jich sie niy chyciły.

A Wy znociie jakisi inksze nazwy kwiotków po naszymu? Jak sie u Wos na nich godo?

Artykuł łostoł napisany bez Basia Grządziel z Katowic.