fot. fmgbain

Forhangi to som po polsku zasłony.

Zasłoniało sie nimi wejście do dom. W łoknie wisiały gardiny. We szybkach w bifyju były szajbki a w drzwiach wisiały forhangi.

Z tym słowym znane je powiedzyni jak wtoś wloz do izby i niy zawar drzwiyrzi to sie go pytało:  „Czy mosz forhangi w doma”? Czyli, że żeś niy je przyzwyczajony do zamykanio.

To była tako bioło płachta, fajnie wyszkrobiono. Łony też były kolorowe.

Niykierzy majom jeszcze forhangi zrobione z powionzanych sznurków, z korali. Nojczynścij używało sie je bez lato. Łone chroniły przed furgajoncym robactwym, kiere niy chciało sie puszczać do dom.

Dzisio rola forhangów w doma spełniajom rolety abo żaluzje.

Niykiedy godało sie tak tyż na zasłona w łoknie. Toż forhang zaciongało sie na łokna we wieczór.