fot. fabrykakreatywna.pl

Puszczaliście kiejsik drachy? Abo widzieliście jich furgajoncych w lufcie tela, że kiej sie wejrzy w niebo, to aże syrce z uciechy sie raduje? To naprowda trzeja łoboczyć. A bydzie szło, bo terozki w sobota w Piekarach Ślonskich bydzie „Piknik z Latawcem”.

Żodnymu sie sam niy zmierznie, bo bydzie tyż szpilplac na kierym bydzie szło se spomnieć, jak sie to za bajtla szczylało ze szlojdra, kulało felga, grało w cymbergaja i chłopa i jeszcze mocka inkszych graczek. Toż ni ma co siedzieć w doma ino trzeja wzoś bajtle i ciś piechty, na kole, moplikym abo tyż autym na Kopiec Wyzwolenia do Piekor.

A kiej se już pogrocie to bydzie se szło poszpacyrować i lygnyć na deka, kiero se weźmiecie z doma i tyż pomaszkecić, co tam se zrychtujecie.

My tyż tam bydymy. Toż ciście do Piekor!

• Wto rychtuje? Kuklok
• Co? „Piknik z latawcem”
• Kaj? Piekary Ślonski – Kopiec Wyzwolynia
• Łod kierej? Łod piyrszej po połedniu do cimoka
• Kiedy? W ta sobota (27 kwietnia 2013)
• Co trzeja wzoś? Drach, deka, maszkety

Wiyncyj ło „Pikniku z latawcem 2013”: https://www.facebook.com/events/437551796327842/

Wiyncyj ło Kukloku tukyj: http://gryfnie.com/kultura/kuklok/