W te styczniowe dni, kiej za łoknym tako szarówa i czowiek ni mo co z sobom zrobić, może wzoś do gości heknadło i uheklować co piyknego. Do tego na prowda niy trzeja wiela.

Niykiery by pedzioł, że heklowani już je niymodne. I robiom to ino starki i ino łoblyczki na zegłówki i serwety. Niyprowda! Robiom to tyż młodzi. I dejmy na to nasza dziołcha – Agata Oleksiak (Olek) z Rudy Ślonskij, wynokwio ze heknadłym i cwistym, rzeczy ło kierych by sie nom niy śniło.

Łoblyko w heklowane łoblyczki wszyjstko, co trefi: ludzi, koła, rzeźby i tyż ajncle. Godo sie ło nij, że je szpecym w heklowanym „street arcie”.

Niykiery by na to padoł „a na co? a komu? a ledy kogo?” i by sie z tego chichroł. A skuli tego coby niy myśleć ło gupotach.

Toż kiej już chycicie ta graifka, to potym niy bydziecie musieli lotać do gyszeftu po łobleczyni, tak jak robi to Agata. Kiej łotwiyro szrank i zaglondo i se pado, że ni mo sie w co łoblyc, gibcij je sie ji samej co uheklować niźli lotać po marketach za łobleczynim, kiere łonaczom chiński bajtle.

Toż ni ma co czekać, ino trza sie brać do roboty!

A jaki cuda idzie robić? Zapraszomy do łodwiedzynio zajty: http://www.agataolek.com

fot. Michał Sygut michalsygut.com dlo Olek i Katowice Street Art Festival