Sprawili my se abcybildry. Skisz tego poprosili my fanów, kerzy by chcieli je dostać, coby łopisali kaj je poklejom. Wybrali my łosiym nojlepszych łopisów a tukyj pokazujymy trzi, kiere som fest piykne:

Jo bych chcioła tako naklejka, co by se na zadku mojigo zielonego malucha nakleić,
żeby niy robić łostudy tym co za mnom czekajom na światłach jak mi zgaśnie fiacik i sie złonacza z górki abo zasztopuja ruch.
Fest fajne je mocie i byda fest rada jak dostana paket.
I mono maluch bydzie gryfnij jeździł?
/ Magdusia /

Kaj przylepia?
A tu! :
na zadek z mojego auta, co by kożdy wiedzioł, że w pojszczodku siedzi gryfno frela!
na snow-bret na przyszło zima, bo zima i śnieg tys som gryfne…
mojymu bossowi na laptoka co by pamiętoł, że w robocie tys mo być gryfnie
jedyn dom mojemu, bo był łostatnio fest grzecny – chyba mie kocho ;)
…a jak sie mie fto zapyto skond mom take gryfne abcybildry w
Piekarach to sie pochwola, że łod wos.
/ Monika /

Te abcybildry kere som do wygranio u Wos, moi rostomili, chciałabych jo i moje kamraty, skisz tygo, że momy we grupie (skuli szczynśliwygo lub mnij, przipadku) małego gorola! Gorol zapisoł się do gryfnie.com (nom tysz kozoł, ale to barzi dla prestiżu) i obiecoł, że sie bydzie ucyć naszy gwary! Abcyblidry bydymy mu kleić w doma na rzecy, kierych nazwa jus opanowoł (rzecy dostanom, jak to sie godo, „Gryfny Znak Jakości”), a jak sie gorol pomyli to mu je bydymy klyić na gymba… abo sobie, coby ij za fes łostudy niy robić :-)
/ Ewa /