fot. lincolnblues

Gańba to je po polsku wstyd.

Jeśli chce się pedzieć, że mie je wstyd, to się godo „mie je gańba”. To jest słowo łokreślające sytuacja w kierej momy się wstydzić, wtoro je dlo nos niywygodno i bardzo źle ło nos świadczy.

Dejmy na to, że się źle łokna łopucuje, to kamrat może pedzieć: „Ni ma Ci gańba za ty łokna”. To je słowo pokazujące negatywny charakter jakijś rzeczy. Ślązok był zawdy przypisany do pewnych reguł postępowania, do schematów. Kej wykroczył poza ni to była gańba. To łoznaczało, że niy był przystosowany do życia w danym społeczyństwie. Jak się czegoś niy zrobiło, to tyż była gańba.

Gańba tyczyła się cołkij familije. Wszyjscy domownicy byli nią łobarczyni. Nojwiększo gańba to było wytykani palcym. Nojczyścij jak bajtel coś napochoł to się tym niy przejmowoł. Przejmowali się łojce.

Gańbą jest zaśmiycani śląskij godki przeklyństwami. Gańbą je tyż alkoholizm. Jak wtoś nadużywoł alkoholu, to to niy ino była gańba dlo niego, ale dlo familije.

Gańbom je tyż łoczernianie i łobgadywanie kogoś. Trzeja się tego wyzbywać.

Godać ni ma gańba – niy mogymy wstydzić się godać po śląsku. Godka to jedyn z naszych atrybutów, kiery trzeja przekazywać.