fot. jermlac

Bal, bala to je po polsku piłka.

Bal to na Śląsku jedyn z nojważniyjszych przedmiotów. Kojarzy się ze szpilom, czyli meczym.  Nojwięcyj w bal grali chopcy. To był męski sport. Dziołchy wolały pobawić się inszymi graczkami (zabawkami). Chopcy bal przypinali na koło i przywozili do szkoły. Ino się zaczła przerwa wszyscy lecieli na plac pograć w bal. Przerwa trwała ino pięć minut, ale łoni i tak bez tyn czas grali.

Skisz tego, że na śląskich placach grało się w bal, trowa niy poradziła urosnąć. Była sucho ziymia, skopano i podeptano. Wiązało się to z tym, że kult piłki nożnej na Śląsku był wielki.

Byli i są chopcy kerzy by kopali w bal łod rana do wieczora. Niy raziło ich to, że loł dyszcz czy świyciło łostre słońce.

Jak się już było troszka starszym i samymu poradziło się grać, chodziło się na szpile. Nojważniyjsze drużyny na Śląsku to: Ruch Chorzów, Górnik Zabrze, GKS Katowice, Polonia i Szombierki.

Na Śląsku grało się tyż w „handbal” czyli piłka ręczno.

Z balym związany jest „nec” czyli bramka. A bramka mo „lata” czyli poprzeczka. Żeby zacząć mecz to trzeja zacząć łod „mity” czyli łod środka. Na rzut karny godało się „elwer”, na rękę „handka”, rzut rożny „eckbal”, bramka „tor”

Kiedyś balym była szmacianka, czyli pozszywane szmaty, kiere się kopało. Na bal kery uszyty był ze skóry godało się „kula”. Downij bal szło dostać na komunia. Downij niy mieli czym grać a grali, a teroz mają czym grać a niy grają…