fot. M.Angel Herrero

Mycka to je po polsku czapka.

Kożdo gowa powinna niom być przykryto bez zima.

Jak chyci mróz i pokurzi śniegiym, czowiek kragel postawi, ale niy zawdy ta gowa mo łogrzono. A jak już wrazi mycka, to styknie.

Som tyż mycki z daszkiym, na kiere sie godo szyldówki. Na roboczo mycka niykierzy zaś godajom kaszket.

Może być tyż bombelmyca, czyli tako, kiero na wiyrchu mo bombel. Lotało sie w nij przeważnie bez zima. A robiło sie jom na szydełku. Nojwiynksze wziyńci miała tako czopka, jak bombel był kolorowy.  Robiły jich w doma starki i mamy.

Na jesiyń szyło sie mycki z materiału, nojczyńścij z flauszu, co łostoł jak sie robiło mantle.

Bajtle niy rade lotajom w myckach. Chocioż jak je zima, to jom wkłodajom. A te, kiere niy wkłodajom, to potym majom ryma i kucajom. Mamy ino kazujom jim wkłodać cwiter, na cwiter, ruby mantel, a te boroki potym niy poradzom sie ruszyć. Toż ni ma sie co dziwować, że jak wylezom z doma, to jom majom jeszcze łobleczonom a jak potym konsek uńdom, to jom ściepujom.

Łoblykejcie mycki! Pyrsk!