fot. Maarten Takens

Bana to je po polsku kolej.

Godało sie ida na bana na cug. Niykierzy godali na cug bana. Banhof to zaś je dworzec, stacja.

Na wonskotorówka godało sie banka a bana to był cug szyrokotorowy.

Jak sie pedziało sztrasynbana, to to już był tramwaj. A po wojnie godało sie na tramwaj banka.

Nojważniyjszom tajlom bany je cug. Niy byłoby bany bez cuga i nałopy niy byłoby cuga bez bany.

Na kolejarza godo sie baniorz. Niykierzy godali tyż banioki, na tych kierzy robili na banie, dejmy na to na glajzach. Jak, wto robił za baniorza, to mioł poważani. A jak już robił na nastawni, kaj przeciepowoł ty wajchy, to dopiyro takigo sie traktowało ze szacunkiym.

Na bana lotało sie za bajtla i ciepało sie kapsle i potym czekało sie jak były rozjyżdżane. Niykierzy zaś łoblykali sie za indianerów i skokali bez glajzy. A jak ino cug przyjyżdżoł to słychać było, jak te glajzy wibrujom i sie wdycki uciekało.