fot. Iwona Łach

Nikierzy ludzie godajom, że ksiożki som nudne. Inksi zaś sie tym aszom, że nie czytajom, tak choby sie było czym asić. Prawdziwy Ślonzok powiyniyn czytać, coby potym nie fuloł gupot. Bo dyć taki godani z górki to je ujma do Ślonzoka.  Czytać trza, bo tyż w roztomańtych ksiożkach inakszyj kożdy godo, beztóż trza se wzoś na to przimiarka i samymu se pedzieć, co je nojbliżyj prowdy. Kiej nie wiysz, łod czego zacznyć, to jo ci powiym. Czytej dalij.

1. „Pierony. Górny Ślonsk po polsku i niemiecku”, Dariusz Kortko, Lidia Ostałowska

Pierony to som reportaże, kiere opowiadajom o tym, jak to je z tom tożsamościom Ślonzoków. Czytomy tukyj o życiu na Ślonsku, widzianym bez Ślonzoków i nie-Ślonzoków. Ciykawe spojrzyni na życi i historia.

2.  Małgorzata Szejnert, „Czarny Ogród”

Historia familiji Giesche, kiero była fest ważno dlo Katowic. Jak powstoł Giszowiec, skond sie wziyna jego nazwa – tego wszystkigo dowiysz sie z tyj ksiożki. A terozki w Tyjatrze Ślonskim grajom ło tym szpektakl. Toż idzie sie tyż wybrać!

3. Marcin Kik, „Filozofjo po ślonsku, czyli heft do historje filozofie dziadka Kika”

Marcin Kik godo o fest znanych filozofach i ideologach. Gibko idzie spokopić, kiej sie czyto ta ksiożka, o co sie rozchodziyło tym mondrokom. A to wszystko po ślonsku.

4. Angela Bajorek, „Heretyk z familoka. Biografia Janoscha”

Ksiożka o życiu Janoscha – pisorza, kiery napisoł „Cholonka” abo „Szczęśliwy, kto poznał Hrdlaka”. Som Janosch, czyli Horst Eckert, łopoedzioł autorce historja swojigo życia. Godo o Zobrzu, o łostudach z gorzołom, o robocie. Rychtyk ciekawe!

5. Szczepan Twardoch, „Drach”

Człowiek, o kerym łostatnio sie godo. Jego najnowszo ksiożka rozprowio o chopie, kiery sie mianuje Josef Mangora i kery po wojnie w 1918 prziszeł nazod do Gliwic. Josef nie poradzi sie pozbiyrać do kupy. Czytomy tam tyż o Nikodemie Gemanderze, kery żyje w 2014 roku i kerego życi ukłodo sie podobnie do życio Mangora. A zaczyno sie od tego, że – tak jak Mangor – znejduje se młodszo baba.