fot. Mariusz Bartosik

Momy teroz w naszym kraju gorko atmosfera skisz Euro 2012. Toż spytali my sie kamratów ło nojgryfniyjsze słowa, kiere sie tyczom fuzbalu. Było ich mocka a  tukyj przedstawiomy Wom te nojfajniyj łopisane.

Elwer

Najgryfniejsze słowo związane z fusbalym to jes elwer. Czumu? Przeca jak się sto dwajścia minut czeko na rozszczigniyncie meczu i potym bramkarze broniom jedyn, drugi, trzeci to pikawa tak wali, że sie zdo, że zaro człowiekowi piersi rozsadzi.

Łostatni finał Ligi Mistrzów pokozoł najlepił, że to wcali ni ma tak łatwo ustawić fusbal na wapnie i trafić. Ponoś to planeta co łoto było widać na Słońcu to niy żodne Wenus ino to była ta bala od Sergio Ramosa.A i same słowo niyczynsto używane i niystety zaniko. A szkoda.

/ Marcin, Wola kole Pszczyny /

Elwer czyli rzut karny.
Ile to jest emocji jak nasi elwra szczylajom. Szczeli abo nie. Trefi czy nie trefi. Bramkarz chyci abo nie?
I odwrotnie jak naszym szczylajom to je tak samo. Nerwy storgane.A już całkiem ogupieć idzie jak elwry decydujom, kiery zespół wygro szpil, po po dogrywce dali rymis.

I jeszcze trza pamiętać, co elwer to jest stare ślonskie słowo
kiere oznaczo tyż bezrobotnego. Skiż tego, że 11-go kożdego miesiąca kiedyś na Śląsku płacili zasiłek.

/ Marian, Orzesze /

fot. Linh H. Nguyen

Sztole

Na moje krziwe oko nojpiykniejsze słowo o fusbalu to je słowo „sztole” u nos tak sie godało na korki do grania , ale takie prawdziwe ze wkryncanymi korkami a niy jakies ańfachowe z gumy abo z byle inkszego materiału.

Drugie co mi przichodzi do gowy to fuzekle, bo dyć te piłkarze majom take chocby babskie te fuzekle…. :)

/ Mariusz, Żernica /

Lata

Jo pisza do Wos w sprawie tego gryfnego słowa co sie fusbalu mu tyczyć.
Poza tym, że mie samo słowo 'fusbal’ podobo sie jak mało kere, bo som fusbal od bajtla uwielbiom, to mom tyż takie jedno gryfne słowo, co mie sie wydaje je richtig pełne emocji i fest mie sie podobo. Te słowo to: „lata”, czyli po polsku „poprzeczka”.

Czymu mie sie tak fest podobo to słowo? Powodów jes kilka! Według mie momynt kiej bala walnie w lata je momyntem, kery przyprawio i grajków i kibiców o hercklekoty, bo to przeca było już ino cyntymetry coby była buda! No i czynsto od laty pado gol, sie godo: „piynknie ta buda zapakowoł, niy dość że z dropsztika (swojom drogom to tyż gryfne fusbalowe słowo :D) to jeszcze łod laty mu wleciała”. Jo tyż osobiście fes lubia, już po szpilu, wziąć se bala i pora razy kopnąć na buda, ale niy tak coby ino gola strzelić, ale po to coby pocylować właśnie w lata.. :D

/ Andrzej, Strzebiń /

Ciaplyta

Jo myśla, że gryfne fuzbalowe ślunskie słowo to je ciaplyta. To je wogle moje łulubione ślunskie. A czemu zaś ciaplyta i fuzbal? No nie godejcie, że synki przy familokach mioły zacne boiska! Groli byla kaj, no czystym zolu, trowa ino i plac. A jak sie synki biegoły, to sie ziemio porozepiała, i była ciaplyta. A potem bidne matki musioły i batki chopów, co z gruby wrócili i batki bajtli upapranych.

/ Martyna, Kraków /