fot. lanuiop

Klachy to są po polsku plotki.

Klachy polegają na tym, że spotykają się dwie baby. Siodają se w siyni na ryczce i ło czymś se łopowiadają. Na klachy wybiyrały się baby. Jak się na nie brały to godały, że idą poklachać. Nojbarżyj klachanie dotyczy bab, ale chopy tyż to radzi robią. Baby łokropnie rade klachają. Klachy to je inaczyj rozmowa, godka.

Coby klachy się udały muszą być do tego nojmynij dwie baby. Godo się, że dwie kamratki się trefiły i klachają. Nojlepij tyż, jak się za często niy spotykają. Im rzadziyj, tym więcej mają sobie do przekozanio.

Nojlepij się klachało przy szkubanio piyrzo, łuskaniu fazoli na siyni czy mielyniu lnu.

Klachać idzie ło wszyskim. Nie ło wszyskim idzie klachać ze wszyskimi. Nojlepij się klachało z zielorkom, kiero przynosiła świyże wieści. Kożdy kery klachoł robił to po swoimu i dodawoł swoji treści do historii ło kierej się godało. Stąd potym brały się plotki, w kierych, jakoś część prowdy była zawarto.

Chopy tyż radzi rozprowiają. Łoni niy klachają tak jak baby. Łoni godają ło szkacie, ło fuzbalu i robocie ale ło sąsiadach niy.

Niekierzy na klachy godają tyż klaching, tak współcześnie.