Konkurs „Obiektywnie śląskie”

obiektywnie-slaskie-2013

Kiejby sie tak spytać pora osób ło to, czym dlo nich je Ślonsk i jak go widzom, żodyn niy powiy i niy pokoże go tak samo.

Dlo jednych to je region, kaj ino wszyndy gruby i czorny luft, dlo inkszych łonki, lasy i żubry. Zaś jeszcze inksi bydom ło nim godać poprzez ludzi, kierzy tukyj miyszkajom i pokożom jejich życi, niyroz ciyżki ale tyż niyroz gryfne.

Toż Ślonsk to je taki jedyn wieli miszong widziany przez kożdego inakszyj. A jak? Możecie na to pytani łodpedzieć i przy łokazji wygrać naprowda fajne gyszynki, kiej ino klipsniecie pora zdjyńć, abo nagrocie filmik.

Tymat je taki: „Śląsk, którego już nie ma – Śląsk, który będzie”. Konkurs mianuje sie „Obiektywnie śląskie” a rychtuje go stowarzyszyni „Projekt Śląsk” i europoseł dr Marek Migalski.

Zdjyńcia bydom ocyniać reżyser Lech Majewski, operator filmowy Adam Sikora, grafik Jacek Joostberens i tyż Marcin Meller, dziennikarz.

Jaki bydom gyszynki?

Nojlepsi wybierom sie w rajza do Brukseli, ale je tyż jeszcze moc inkszych gyszynków ło kierych poczytocie na zajcie konkursu.

A kiej zrobicie do swoich zdjyńć i filmów łopis po naszymu, to łod nos możno tyż dostaniecie co fajnego z naszego gyszeftu.

Toż klipsaparat do gości i pokożcie jaki je Wasz Ślonsk.

Tukyj pora prac z 2012 roku:

fot. Maciej Koźmiński / 2012
fot. Maciej Koźmiński / 2012
fot. zupaogorkowa / 2012
fot. zupaogorkowa / 2012
fot. wigglesfr / 2012
fot. wigglesfr / 2012
fot. zwyklyproszek / 2012
fot. zwyklyproszek / 2012

Mocie czas do 15 września 2013.

Wiyncyj ło konkursie, jego regulaminie znojdziecie tukyj:
http://www.obiektywnieslaskie.pl/regulamin

 

Tekst:
Klaudia Roksela

Co byś na to pedzioł?

fot. unsplash

Skond sie wzion ciul?

Kiejbymy dzisio komu pedzieli „ty ciulu”, to by to było fest szpetne i żadne. Ale pora lot do zadku tak sie godało i żodyn sie niy gorszył. Dejmy na to baba mogła ciulnyć chopu abo kajś ciulło w drzewo.

WIYNCYJ »

fot. Jeff Weese

Gody bez haje

Kiej sie cołko familijo trefi pospołu bez Gody, to zawdy je ło czym godać. Tymatów do łosprowki je moc, pra. Ale som taki, ło kierych lepij niy łozprawiać, bo idzie se fest zaszkodzić, abo gorzyj jak potym je haja.

WIYNCYJ »

fot. Iwona Łach

Szałot

Jak Ci wto powiy na Ślonsku, że by zjod szałot, to sie go spytej ło co mu sie rozchodzi. Bo po piyrsze szałot to je inaczyj sałata tako zielono a po drugi to je tyż sałatka ino, że z kartofli i inkszych gymizów.

WIYNCYJ »