Wto mo moblilnioka abo tableta ze Androidym i rod mo ślonsko godka, to to je coś dlo niego. Zygor po naszymu.

Niykożdy jeszcze godo „pizło dwie” abo „je trzi ćwierci na jedna”. Czasym sie jeszcze słyszy: „Wiela je na bani?” A potym wtoś inkszy łodpowiado „trzecia piytnoście”. A niy tak jako to mo być.

Na szczyści znodli sie młodzi przociele ślonskij godki z Rybnika (mindsup.pl), kierzy zrychtowali tako aplikacja, dziynki kierej mogymy sie dowiedzieć wiela to je godzin, na tym cyferblacie.

I dejmy na to momy informacja:

• 14:00 – „pizło dwie po połedniu”
• 14:15 – „ćwierć na trzecio po połedniu”
• 14:30 – „pół trzecij po połedniu”
• 14:45 – „trzi ćwierci na trzecio po połedniu”
• 14:47 – „kole trzecij po połedniu”

Ponoć niyskorzyj bydzie szło sie tyż nasztalować weker. A do kupy, bydziecie mieć w mobilnioku Ślonzoka, kiery Wom pado, wiela to je godzin.

Dejcie pozór! Niy trzeja dować żodnego geltu coby se nasztalować ta aplikacja, bo je darmowo, ino trzeja mieć tego Androida.

Toż nic ino mobilniok do gości i instalować: https://play.google.com/store/apps/details?id=pl.mindsup.clockwidget