Konkurs „Obiektywnie Śląskie”

fot. Obiektywnie Śląskie

Jaki je Ślonsk? Jako je ślonsko kultura? Wiela je ludzi tela bydzie ło tym godki. A jeszcze wiyncyj zdjyńć. Bo kożdy pokoże Ślonsk inakszyj. Ino styknie wzoś w gość knipsaparat i cykać to, co sie widzi. I mało tego, za taki cykani, idzie dostać gelt, abo dychnyć se u feśtra w chałupie.

Myślicie sie teroz. Jaki feśter? Jaki gelt? No ja, mom prawie. Godom ło konkursie „Obiektywnie śląskie”, kiery latoś zaś je rychtowany bez Stowarzyszyni „Projekt Śląsk”.

Tymat je taki: „bo śląskie, to…”.

Som trzi kategorie:

  • Fotoreportaż na kiery skłodajom się łod 3 do 7 zdjyńć
  • Fotokast (kierego jeszcze niy było)
  • Film, kiery trwo niy wiyncyj jak 2 minuty.

Zdjyńcia bydom ocyniać reżyser Lech Majewski, operator filmowy Adam Sikora, grafik Jacek Joostberens i tyż Antoni Cygan, rektor ASP w Katowicach.

Jaki bydom gyszynki? Nojlepsi dostanom gelt. Bydom se tyż mogli dychnyć u feśtra w leśniczówce. Ta nagroda dowo Regionalno Dyrekcja Lasów Państwowych.

A kiej zrobicie do swoich zdjyńć i filmów łopis po naszymu, to łod nos możno tyż dostaniecie co fajnego z naszego gyszeftu. Toż klipsaparat do gości i pokożcie jaki je ślonskie.

Tukyj pora prac z 2013 :

fot. urbi / 2013
fot. urbi / 2013
fot. Ewa / 2013
fot. Ewa / 2013
fot. Iselin / 2013
fot. Iselin / 2013
fot. patrykpoh l / 2013
fot. patrykpoh l / 2013
fot. szapiro / 2013
fot. szapiro / 2013
fot. jaroslawrespondek / 2013
fot. jaroslawrespondek / 2013

Mocie czas do 15 września 2014.

Wiyncyj ło konkursie, jego regulaminie znojdziecie tukyj:
http://www.obiektywnieslaskie.pl/regulamin

 

Tekst:
Klaudia Roksela

Co byś na to pedzioł?

fot. Radosław Kaźmierczak

Skond sie wzion glacok?

Dlo jednych frelek glacate chopy som gryfne, dlo inkszych niy, a jeszcze inkszym to je egal. Prowda je tako, że moc glacoków łazi po tyj ziymi, czy momy radzi to czy niy.

WIYNCYJ »

evan-kirby-104799

Ło szoferach i jich rajzach

Niy kożdy lubi szoferować. Jedni wolom siednyć na zadnim zicu i se kimnyć, inksi zaś wtynczos poczytać, abo pofoflać bez mobilniok. Ale som tyż tacy, co łod kierownicy niy łoderwie ich ani rugcugiym

WIYNCYJ »

fot. Radosław Kaźmierczak

Fet

Łoroz przidzie smak na coś fest prostego do zmaszkecynio. Mom tukyj we gowie fet – tuste. Styknie ino pora minut i sie je pojedzonym. Bo łon fest długo poradzi czowieka trzimać.

WIYNCYJ »