Szpajza - Warzyni - gryfnie

Szpajza

fot. gryfnie

Na ty wiosenne dni chciało by się pomaszkiecić coś lekkigo. Starczy ino pora składników coby przygotować śląski maszket – szpajza. Ta naszo bydzie szokuladowo :)

Co potrzeja?

  • 6 jajec
  • 3 łyżeczki żelatyny
  • 6 łyżek cukru
  • gorsko szokulada

Toż bierymy się do roboty:

  1. Nojprzód trzeja zawarzić  troszka wody (mynij niż pół szklonki)  i zaloć 3 łyżeczki żelatyny. Tak miyszać  aż się rozpuści i łodstawić do łostudzynio.
  2. Dalij żółtka  utrzyć z cukrym.
  3. Szokulada zetrić na tarce i wsuć  do tyj masy.
  4. Biołtka zmiksować tak, coby jak się łodwróci miska nałopy niy śleciały na szaty.
  5. Terozki biołtka poleku dodować do tyj masy i lekutko mieszać, ino niy miksować, bo masa śleci.
  6. Na koniec dodować  po jednyj łyżeczce żelatyny i dalij miyszać.
  7. Szpajza wloć do miseczek i łodstawić do komórki aż zgęstnie.
  8. Na wiyrch dać troszka ślagzany, posuć szokuladą i maszkecić.

Dejcie znać jak Wom się szpajza udała :)

Maszketnik, tak się mianuje cykl zajęć  poświęcony śląskij kuchni regionalnyj na Nikiszu. Tam po roz piyrszy zmaszkecili my szpajza. Idzie się na nim nauczyć warzić roztoliczne śląski specjały, potym  je zmaszkieciecić a przi łokazji poklachać z miyszkańcami Nikisza, naprowda fajnistymi babami i chopami. Kuknijcie na www.nikiszowiec.pl

  • 24.03.2012

Co byś na to pedzioł?