Karminadle
![](https://gryfnie.com/wp-content/uploads/2017/09/kuchnia_18-09-2017_foto_rk-91-736x413.jpg)
![fot. Radosław Kaźmierczak](https://gryfnie.com/wp-content/uploads/2017/09/kuchnia_18-09-2017_foto_rk-91-729x486.jpg)
Prziłazisz wykamany z roboty, niy mosz siły na nic i zdjobyś jaki miyso? Na to nojlepsze som karminadle (abo jak niykierzy godajom karbinadle)! Ku tymu jeszcze panczkraut i niywiela wiyncyj potrzeja.
Co nom bydzie potrzeja:
- 40 dag miysa ze świnie
- cebula
- jedno całe jajco, jedno żółtko
- żymła
- sól
- pieprz
- magi
- łolyj
![składniki na karminadle](https://gryfnie.com/wp-content/uploads/2017/09/kuchnia_18-09-2017_foto_rk-3.jpg)
Jak to sie robi:
- Miyso zemleć, nojlepij samymu. Niy kupować gotowego zemletego, bo niy wiadomo na co sie trefi.
- Żymła potonkać we wodzie, aż zmiyknie, Wypuczyć cołko woda.
- Cebula pokroć fest drobno i przesmarzić na łoleju, aż sie zeszkli.
- Zemlete miyso, wypuczono żymła, zeszklono cebulka, jajca dać rajn do jednyj miski. Prziprawić solom, pieprzym, magom. Dobrze wymiyszać.
- Z tyj masy pokulać taki plaskate karminadle i gich na rozgrzony łolyj. Smarzić z jednyj i drugij strony. Wachować ino tego, coby sie niy przypoliły, bo przipolony karminadel je gorszy łod surowego.
- Maszecić pospołu z kartoflami a manszkrautym.
![fot Radosław Kaźmierczak](https://gryfnie.com/wp-content/uploads/2017/09/kuchnia_18-09-2017_foto_rk-81.jpg)
Te maszkety, kiere tukyj momy pokozane na łobrozkach, uwarziło dlo nos Pole do popisu. To je katowicko ekstra kuchnia w kierej nauczom Cie warzić tak, że żodyn Ci niy powiy że mu niy smakuje a ino bydzie jod aż mu sie bydom uszy trzyńść. Zapraszomy na http://poledopopisu.pl
Co byś na to pedzioł?