fot. Jeffrey K. Edwards

Filować to po polsku wyglądać, szukać kogoś.

Synonimym filować jest tyż kukać abo podglądać. Filowanie to spoglądanie, podglądanie. Filować za kimś abo za czymś to je szukać czegoś wzrokiym, wyglądać bez łokno za czymś. Filować na coś, to znaczy pilnować czegoś, wachować.

Filować to niy je to samo co patrzeć. Filować na coś. To wyczekiwać czegoś.

To niy je coś długotrwałego, to czynność chwilowa, jak kukanie.

Nojwięcyj filują baby, kere są na pynzyji. Łoparte ło fynsterbrety patrzą co się dzieje na drodze na placu. A jak się coś na placu dzioło, to łone miały już tymat do klachanio.

Chopcy tyż filują za dziołszkami. Nojprzód wyczekują, kedy póńdą. Blikają, czyli rzucają łokiem. Jak fajno dziołszka idzie z przodku, to z zadku się na nia filuje. Jak dziołsze synek się spodobo, to daje mu to do zrozumiynia.

Filowanie to tyż nabijanie czegoś lub nadziewanie. Można filować kreple, czyli wkłodać do pojszczodka marmelada.