Pamiyntocie beboka, heksa, skarbka i meluzyna Ewy Kucharskij? Jak niy, to Wom tu zaroz tu poleku wytublikujymy.

Jakiś czas tymu pisali my ło ksiożce „Śląskie mity”, kiero była pracom dyplomowom na ASP w Katowicach. Wyłobroźcie se, że jom se już idzie sprawić i kożdy se jom może połoglondać i poczytać.

Kożdy z nos wiy, co to je bebok, skarbek i inksze diobły. Toż to je rozprowka ło tych pierzinach ino, że kiej żyjom tukyj i teroz, we ślonskim familoku i z dzisiyjszymi utropiyniami. Choby ło nos, kierzy kożdego dnia momy jakisi łostudy.

I łona je łobleczono w gryfne łobrozki Ewy a cołko historyjo do nich łobmyślił i napisoł Marek Jagielski. Mało tego, w tym łopowiadaniu som tyż ślonski słowa.

A idzie sie jom łoboczyć teroz w ta sobota 13.04.2013 i jeszcze trefić z jeji autorami. Toż niy lotejcie po tych wielich gyszeftach ino przijedźcie do Katowic do Złej Buki na trzeciom po połedniu. A weźcie ze sobom bajtle, bo dlo nich tyż bydzie moc uciechy.

Kiedy i kaj?

Księgarnia Zła Buka
Galeria Rondo Sztuki
Rondo im. Gen. Jerzego Ziętka 1, Katowice
sobota 13.04.2013 g. 15:00

Wiyncyj tukyj: