To bydzie gyszynk ;)

I to tyż ;)

Dejcie pozór! Łogłoszomy konkurs!

Co trzeja zrobić?

Pamiyntocie swoji wyliczanki z placu? Dejmy na to ta „Była jedna babka, sprzedowała jabka, sprzedowała po kryjomu, co je skrodła ze zogonu”.

Toż teroz napiszcie swoja, nowo, krótko, wymyślono rymowanka i prześlijcie jom na [email protected]

Wyliczanka musi być po ślonsku! A ni dowomy Wom żodnego tymatu, toż możecie pisać ło roztomajtych rzeczach, ło wszyjstkim, co Wom przidzie do gowy.

Co sie bydzie dalij dzioło?

Nojgryfniyjsze wyliczanki pokożymy na naszej zajcie. I tyż wybierymy jedna, kiero potym tyż możno znojdzie sie na nowyj gryfnyj rzeczy. A jakij? To niy godomy ;)

Co idzie wygrać?

I teroz nojważniyjsze! Idzie wygrać kubek Fajrant. A dwie nostympne osoby dostanom po 3 abcybildry ”Cisnymy”.

Wiela mocie czasu?

Mocie czas do piątku 08 lutego do 20:00 we wieczór.

Toż filoki do gości! Powodzynio!