Latoś za pora dni łodbywo sie we katowickich kinach REGIOFUN czyli fajrowani ze filmym. Bydzie szło łoboczyć poradziesiont filmów, kiere łostały nakryncone dziynki regionalnym funduszom.

Dzisio ło filmie, kiery bydzie pokazywany we Katowicach.

Truls Paulson tak mianuje sie norweski szpec łod curlingu. Roz wybroł sie na zawody i dostoł cosikuj do gowy. W lazarecie pedzieli mu, że mo szpetno nerwica. Naszprycowany pilami przyjyżdżo do dom, kaj czeko już na niego baba Sigrid i jeji fafik Pelle. Sigrid trzimo go fest przy sia.

Truls dowiaduje sie, że jego rechtor łod szportu Gordon, je niymocny i niyskorzyj sie pominie. Łobmyślo se, że znojdzie gelt na łoperacja przociela. Ciepie pilami i godo ze swojimi kamratami łod curlingu ło tym, że je śnim dobrze i że przidzie nazod i poprowadzi drużyna zwyciynstwa w mistrzostwach Norwegii w curlingu.

Czy mu sie to udo? Łoboczycie jak przidziecie

• Reżyseria: Ole Endresen
• Scenariusz: Atle Antonsen, Ole Endresen
• Obsada: Atle Antonsen, Linn Skåber, Ane Dahl Torp
• Kraj produkcji: Norwegia
• Rok produkcji: 2012
• Czas trwania: 90 min.
• Napisy: Polskie/Angielskie
• Producent: 4 1/2 Film
• Fundusz filmowy: Norsk Film Institutt
• W cyklu: Panorama RFF (Regionalnych Funduszy Filmowych)

28.10.2012 g. 18:00 Kino Kosmos, Katowice

Wiyncyj ło REGIOFUN na jich zajcie:
http://regiofun.pl/