Latoś za pora dni łodbywo sie we katowickich kinach REGIOFUN czyli fajrowani ze filmym. Bydzie szło łoboczyć poradziesiont filmów, kiere łostały nakryncone dziynki regionalnym funduszom.

Dzisio ło trzecim z filmów, kiere bydom pokazywane we Katowicach.

Wszyjstko dzieje sie we Hiszpanii. Kole plaży kaj se dychajom turysty rozbijo sie łajba z Afrykanerami, kierzy wyrywajom ze swojigo kraju. Niykierych śmiertka biere na miyjscu, niykierych bierom policajty a niykierzy poradzili pitnyć.

Ło tym czasie i w tym miyjscu fleguje se tyż siedymnastoletni Thomas, razym z fatrym. Ino, że łojciec nic niy pedzioł synkowi i wzion se ze sobom libsta Angelika, kiero sie łokazuje rechtorkom Thomasa.

Znerwowany synek łodjyżdżo na mopliku. Na szosyji spotyko Djamile, kiero uciykła z Afryki. Thomas pomogo ji uciyc przed policajtami i biere do swojij izby we hotelu. Synek żodnymu niy godo ło Djamile. W końcu dowiaduje sie ło nij łojciec, kiery niy pomogo w żodyn sposób synkowi. Thomas sie niy poddaje i dalij staro sie ło dziołcha.

• Tytuł oryginalny: Implosion
• Reżyseria: Sören Voigt
• Scenariusz: Sören Voigt
• Obsada: Sven Gielnik, Eye Haidara, Carolina Clemente
• Kraj produkcji: Niemcy, Hiszpania
• Rok produkcji: 2011
• Czas trwania: 88 min.
• Producent: Karibufilm
• Fundusz filmowy: Film – und Medienstiftung Nordrhein-Westfalen (NRW)
• W cyklu: Retrospektywa NRW

27.10.2012 g. 18:15  Kinoteatr Rialto, Katowice
28.10.2012 g. 14:15  Kino Kosmos, Katowice

Wiyncyj ło REGIOFUN na jich zajcie:
http://regiofun.pl/