Latoś za pora dni łodbywo sie we katowickich kinach REGIOFUN czyli fajrowani ze filmym. Bydzie szło łoboczyć poradziesiont filmów, kiere łostały nakryncone dziynki regionalnym funduszom.

Nom tyż przipadło połokludzać Wos po niykierych śnich, cobyście wziyni swojich przocieli i przyszli se trocha dychnyć i co połoglondać na wielim katowickim ekranie.  A zacznymy łod filmu Piotra Trzaskalskiego „Mój rower” abo po naszymu „Moji koło”.

Łopowiado ło trzech chopach: starziku, łojcu i synu, kierzy som ze sobom powadzyni. I ino rajza, na kiero sie razym rychtujom dopomoże jim lepij siebie poznać. A wszyjstko zaczyno sie łod tego, że siedymdziesiyńcioletniego Włodka łostawio baba a łon chce jom znojść.

Film łopowiado ło tym, że sobom trzeja wiyncyj godać, chocioż niy roz je ciyżko. Przeca łojciec mo inksze zdani łod syna a co dopiyro starzik łod wnuka. I jak sie potym łokoże, że kożdy śnich je taki som jak inksi. Jak pado som reżyser, koło je we filmie rzeczom, kiero kożdy z familiji kiejsik erbnie. A jak erbnie, to stowo sie inkszym.

• Tytuł oryginalny: Mój rower
• Reżyseria: Piotr Trzaskalski
• Scenariusz: Wojciech Lepianka, Piotr Trzaskalski
• Obsada: Michał Urbaniak, Artur Żmijewski, Krzysztof Chodorowski, Anna Nehrebecka
• Kraj produkcji: Polska
• Rok produkcji: 2012
• Czas trwania: 90 min.
• Producent: Federico Film
• Fundusz filmowy: Łódź Film Commission
• W cyklu: Pokazy specjalne

24.10.2012 g. 20:00 Kino Kosmos, Katowice

Wiyncyj ło REGIOFUN na jich zajcie:
http://regiofun.pl/