fot. gryfnie

Colsztok to je po polsku „metr stolarski” abo „miara drewniana składana”.

Bez colsztoka żodyn fachman sie niy łobydzie!

Nazwa wziyna sie łod cola (25,4 mm). Zrobiony je z drewnianych listew z wymalowanom podziałkom, łobrobiony metalowymi końcówkami, coby sie za gibko niy zmniyjszył.

Nojprzód były taki ajnfachowe a potym przywoziło sie coroz to lepsze z Niymiec. Szło dostać jedno, dwu, abo trzimetrowy colsztok.

To je werkcojg, kiery je fest potrzebny. Stolorz, ślusorz, kowol, bez niego sie niy łobyndzie.

Je tyż colsztok zwijany i niykierzy tak prawiom na ty taki metalowy ale som tacy, dlo kierych colsztok to je ino tyn, co sie skłodo, pra?

Jak wtoś dostoł fanga, to sie potym takimu prawiło, że poskłodoł sie jak colsztok.