Fot. Michał Mucha

Na Szlak Zabytków Techniki trefiła tyż Huta Szkła Zawiercie.

Wiycie, że nojczyńścij sprzedowane kryształy som z Zawierciańskij Huty Szkła? Nojwiyncyj bierom jich Amerykony, Hiszpanery, Francuzy, Araby ale tyż Japończycy… A co ze Polskom? Mocie w domach jeszcze kryształy?

No dyć przeca w kierej chałpie jich niy było? Jich dźwiynk słychać było przy łokazji, narodzin, piyrszej komunije, gyburstaku, weselo… kryształy. Niy kożdy wiy, że robione były tukyj.

To szkło żyje dalij i piyknie brzynczy. Sprzedowane je w roztomajtych krajach, pokozywane było we filmach, łozdobiało stoły we polskich ambasadach.

Nojczyścij grawerowane łobrozki na kieliszkach to: fazan, liszka, sornik, hazok, feśter. Łone som nojczyńścij kupowane na gyszynki. A Wom co by sie nobarzij widziało?

Miyszani, dozowani, formowani, zdobiyni, grawerowani i pakowani… To som tajymnice produkowanio szkła kryształowego, kiere niyskorzij pokoże Wom ZHSz. Na filmie łoboczycie ło co sie tukyj rozchodzi i co Wos tam bydzie czekać.

Kryształy łod Jewy Minge? Dyć przeca! Zawierciańsko Huta Szkła razym z projektantkom złonaczyły paradno kolekcja rzeczy, kiere sie przidadzom. Idzie sie jom sprawić w Zawierciu ale tyż na salonach „Eva Minge Home”.

Łoboczcie co sie bydzie dzioło w Zawierciu 30 czyrwca:

http://www.industriada.pl/#/program/233

Wiyncyj ło Industriadzie znojdziecie tukyj:

http://www.zabytkitechniki.pl/
http://www.facebook.com/SzlakZabytkowTechniki
http://www.industriada.pl/

Tukyj bydymy zaś wciepywać łopisy zabytków:

http://gryfnie.com/wydarzenia/

Zapraszomy!