Fot. Rrrodrigo

Coby karnyć sie jedynom na chodzie rozbankom salonkom z 1921 roku trzeja wybrać sie do Bytomia. Łona zawiezie Wos w godzina, dziesiyńć minut do Tarnowskich Gór. Ponoć rajzowoł niom som cysorz Wilhelm II. Toż gotowi na rajza?

Wyjyżdżomy z bany „Bytom Główny Wąskotorowy”. Troszka my som łopóźniyni. Ni ma co sie nerwować. Tukyj rozkład niy zawdy zgodzo sie z prowdom. Banka nadrobi tyn czas w drodze.

Bytomsko banka do Wom łokazja, coby wybrać sie w  gryfno rajza.  Z jeji łokna idzie łoboczyć taki cuda jak Elektrownia Szombierki.

Za Szombierkami idzie podziwać sie na dwa łostre winkle na szlaku. Za winklym czeko na nos nojwiynkszo bana wonskotorowo we Polsce-Bytom Karb. Tukyj w Parowozowni stojom łogromne 450 konne lokomotywy z silnikami firmy Maybach.

Je jeszcze „Lidzia”. Łona je fest cherlawo, coby cisnyć cugi z wonglym, skisz tego robi co inkszego. A co to łoboczycie jak sie tukyj wybierecie.

Dalij kamieniołomy dolomitu w Bytomiu Suchej Górze.  Som tu drogi po kierych idzie pobrusić na szijach, kołach i poszpacyrować, do tego nasze ślonski maszkety. Te wszyski atrakcje czekajom na miyjscu downego kamiyniołomu i kole goju z bukami.

Kiej dojadymy bankom do haltynszteli w Reptach, momy pora kroków do Zabytkowej Kopalni Srebra. Podziwiomy muzeum, podziymne wyrobiska, przepływomy podziymnom sztolniom, wychodzymy na wiyrch, na luft. Jezderkusie!

Haltynsztela Lasowice – tukyj rozbanka łostawio tych, kierzy chcom sie łopolić. A to skuli jeziora Nakło-Chechło

Zapraszomy Wos do rajzowania! A tukyj cołki program Industriady na Górnośląskich Kolejach Wąskotorowych:

http://sgkw.eu/industriada2012/INDUSTRIADA_2012_program_szczegolowy.pdf 

A wiyncyj ło Industriadzie znojdziecie tukyj:

http://www.zabytkitechniki.pl/

http://www.facebook.com/SzlakZabytkowTechniki

http://www.industriada.pl/

Tukyj bydymy zaś wciepywać łopisy zabytków:

http://gryfnie.com/wydarzenia/

Zapraszomy 30 czyrwca!