fot. Bartek Wyrobek

Niywtorzy przed Euro 2012 szporujom na czopki z naszom fanom, treski z logiym i inksze rzeczy do kibicowanio.

Ci, kierzy majom lepszy geltag sprawili se ajntryt i pojadom na szpil. My zajś gromy w Cymbergaja. Tublikujymy Wom zasady tyj gry.

Potrzeja do tego dwóch fuzbalerów, dwa liniorze i piyńć klepoków, po dwa do kożdego i jedyn jako bal. Jedyn klepok bydzie tormanym a drugi fuzbalerym.

Cymbergaj polego na tym, że za pomocom liniorza trzeja fuzbalerami cylnyć w bal a potym w tor. Nojlepij je grać na stole . Nojprzód trzeja se naszkryflać boisko z mitom, sztyryma winklami, dwoma torami i zadnimi kryskami.

Zaczyno sie łod pojszczodka. Trzeja piznyć liniorzym w swojigo fuzbalera coby dobił do bali, a ta coby trefła w tor. Roz gro jedym fuzbaler a roz drugi. Elwer je, jak fuzbaler trefi w fuzbalera zamiast w bal.

Zasady tego szpilu som taki same jak w fuzbalu.

Ten artykuł został także opublikowany w czerwcowym numerze Magazynu Style magazynstyle.pl.