Łod dziewiontego do trzinostego moja 2012 roku w samym syrcu Europy, bydzie szło przeżyć łogromny śpas. Dzisio przedstawiomy drugigo artysty, kiery wystompi na Dniach Województwa Śląskiego.

Tricky to kapela angielsko. Jeji miano wziyno sie łod piyrszego łod nich machera Adriana Nicholasa Thawsa, producynta, muzyka i aktora.

Śpiywo łon łod malutkości. Za bajtla nowiyncyj przesiedzioł ze swojom starkom. Wdycki łoglondoł horrory ale do nauki mu sie niy śpiychało. A starka mu na to zezwolała.

Jak mioł piytnoście lot, zaczon pisać słowa do roztolicznych śpiywek. Groł z roztomajtymi łorkiestrami. Rock, hip-hop, punk, tako muzyka mogymy usłyszeć w jego konskach. Zaś jego śpiywani, mogymy przyrównać do szeptu.

Skuli tego, że je to muzyka niy z tego świata, tako jakby w cimoku, troszka ciyżko ale za to piykno, liryczno – jak padajom uczone głowy. Ale przy nij niy potańcujesz, bo rytmu musisz słuchać. Za to mo dźwiynki, kiere sie rzodko słyszy. Przegryfne!

Na jego koncert zapraszomy:
11.05.2012 Park Sielecki, Sosnowiec
Godz. 17.00 – Digit All Love
Godz. 18.00 – hipiersoniK 
Godz. 19.00 – Julia Marcell
Godz. 21.00 – Tricky
(niy trzeja płacić)

Tukyj bydymy wciepywać nostympnych artystów:
http://gryfnie.com/wydarzenia/

A tukyj wejrzijcie na cołki plan:
http://www.facebook.com/DniWojewodztwaSlaskiego

fot. materiały promocyjne organizatora