Na grubie – wystawa zdjyńć

na-grubie-plakat-gryfnie

Cimok, czorno, w lufcie furgo pył.
Ledy kaj idzie nastompić na ciaplyta, maras.
Czuć rozpolonym żelazym.
Widno je ino tam, kaj se poświyci człowiek lampom.
Idzie sie, idzie i durś idzie, choby po piekle… aż sie dońdzie do przodka.
A po szychcie zaś nazod, do dom.
Łostajom ino potym czorne kółka w łoczach.

Kożdego dnia dużo naszych synków, chopów, łojców, braci i ujków zjyżdżo szolom na dół.
Kożdego dnia witajom sie pozdrowiynim „Szczyńść Boże”.
Zmazani, pot leje sie jim za kragle,
wyciongajom z pojszczodka ziymi nasz nojwiynkszy ślonski skarb – wongiel.

Ciyżko jest se wyłobrazić jak tam je na dole, kiej sie tam niy było.
Mogom porozprowiać ło tym ino ci, kierzy tam robiom.
Żodne muzeum tego niy poradzi pokozać.
Mogom to łopedzieć trocha fotografie, kiere tukyj chcymy Wom pokozać.
Momy nadzieja, że dziynki nim chocioż trocha łoboczycie ty ślonski czeluści.

Szczyńść Boże!

  • Galeria+, Rondo Sztuki, Katowice
  • Zaczynomy: 15.11.2013, godz: 18:00
  • Łod 15.11.2013 do 04.12.2013
  • Łorganizuje: Serwis gryfnie.com
  • Zdjyńcia: Radosław Kaźmierczak
  • Grafika: Katarzyna Wolny
  • Gelt na wystawa dała: Jastrzębska Spółka Węglowa S.A.

Zapraszomy:
https://www.facebook.com/events/254319468052395/

Kalyndorz 2014

Dlo wszyjstkich, kierzy by chcieli mieć u siebie w doma konsek gruby.

Idzie se go sprawić tukyj: http://gryfnie.com/produkty/kalyndorz-2014/

kalendarz-2014-na-grubie-1 kalendarz-2014-na-grubie-2

 

Tekst:
Klaudia Roksela

Co byś na to pedzioł?

fot. Adrian Midgley

Skond sie wziyna kara?

U nos na Ślonsku kara, to ni ma to co sie dostowo, jak sie co fest napocho. Rozchodzi sie nom tukyj ło taczka, fest potrzebno we zogrodzie, jak sie chałpa stowio, abo graczków z bajtlami.

WIYNCYJ »

evan-kirby-104799

Ło szoferach i jich rajzach

Niy kożdy lubi szoferować. Jedni wolom siednyć na zadnim zicu i se kimnyć, inksi zaś wtynczos poczytać, abo pofoflać bez mobilniok. Ale som tyż tacy, co łod kierownicy niy łoderwie ich ani rugcugiym

WIYNCYJ »

fot. Iwona Łach

Szałot

Jak Ci wto powiy na Ślonsku, że by zjod szałot, to sie go spytej ło co mu sie rozchodzi. Bo po piyrsze szałot to je inaczyj sałata tako zielono a po drugi to je tyż sałatka ino, że z kartofli i inkszych gymizów.

WIYNCYJ »