Ksionżka Spacerownik po Katowicach - Śródmieście, część południowa

Ze drugom tajlom spacerownika zwiedzomy południowy obszar cyntrum Katowic, kiery po przyłonczyniu we 1922 roku miasta do Polski, stoł sie reprezentacyjnom czynściom fest gibko rozwijajoncyj sie stolicy autonomicznego Województwa Ślonskigo. Ważnym czynnikiem, kiery wpływoł na rozwój nowoczesnyj na tamte lata architektury - modernizmu, stylu miyndzynarodowego abo funkcjonalizmu, jak mianowano ówczesne odmiany, inspirowane tym co rychtowoł Le Corbusier abo Bauhausem, była rywalizacjo miyndzy polskom, a niymieckom tajlom Ślonska, o to kiero z nich je nowocześniyjszo i barziyj przyjazno do żywcio. Dziynki tymu wyścigowi mogymy dzisiej ta tajla miasta mianować stolicom polskij moderny. 

Autorzy: Piotr Fuglewicz, Barbara Zygmańska 
Na okłodce akwarela Grzegorza Chudego