Ryczka - Słownik ślonski - gryfnie
fot. Magdalena Strzelewska

Ryczka to je po polsku taborecik.

Ryczka to mebel, kiery musioł być we kożdyj ślonskij kuchni. Terozki ich już je corozto mynij abo i tyż już sie ich niy robi.

Ryczka przydaje sie do roztomajtych rzeczy. To je mały prostokontny taborecik, taki krzesełko bez łopracio wysoki na 40, 50 cm. Mo sztyry szłapy i deska.

Nojczynścij stoła pod stołym abo pod stołkiym. Malowało sie jom na bioło, ale tyż mogła być niebiesko. Ale mogła tyż być kolorystycznie dobrano do stołu i reszty mebli.

Ryczka łobciongniynto była ceratom takom, jako była na stole.

Ryczka spełniała dużo funkcji. Siadało sie na nij jak sie łobuwało abo sebuwało szczewiki, jak sie szkubało piyrzi, jak sie kartofle łobiyrało, abo jak sie pucowało szczewiki. Do wszyskich czynności przy kierych trzeja było sie schylić. Dejmy na to tyż do plewiynio na polu. Ryczka była tyż przydatno, do dojynia krów.

Skisz tego, że je lekutko, wszyndy szło jom ze sobom wzoś. Starka jak se siedli na stołku, kozali se wzoś ryczka, na kierej położyli se noga, kiero ich fest targała. Było im wdycki lżyj.

Tekst opracowany na podstawie audycji "Słownik śląski" w Radiu eM.

  • 17.05.2012

Co byś na to pedzioł?

Gryfnie Retro

Gryfnie Retro

Gryfnie prezentuje ledżinsy „Kaj sie ciśniesz?”. Nadowajom sie do roztomajtych szportów. Pasujom na kożdo rzić.