„Śląsk rajcuje” w katowickim Kosmosie

slask_rajcuje_oberschlesien-2

W katowickim Kosmosie bydzie sie dzioło!

Łod tego piontku napocznie sie godani ło tym, co je ważne na Ślonsku. Na piyrszy łogiyń pódzie film Michała Majerskiego „Oberschlesien – tu, gdzie się spotkaliśmy”.

Jak sie go łobejrzicie, to pospołu z Józefym Krzykiym z Wyborczyj, szpecym łod pisanio Zbigniewym Kadłubkiym i socjologiym Tomaszym Nawrockim bydziecie mogli pogodać ło sprawach, kiere sie tyczom Ślonska.

Michał Majerski, kiery zrychtowoł film, miyszkoł za bajtla na Ślonsku w familii polsko-niymiecko-ślonskij. Skisz tego som wiy, ło co sie tukyj rozchodzi. Beztoż pyto sie ło historia Ślonska jak i to co sie bydzie z nim dzioło.

Jak już porozprowiomy to bydzie muzyka – zagro kapela 032.

Kiedy? 28 lutego 2014 godz. 18:15

Kaj? Kino Kosmos, Katowice

Po wiela? Ino 3 złotki!

Dejcie pozór!

To niy ino roz bydzie szło trefić i pogodać ło Ślonsku w Kosmosie. Niyskorzij zaś bydzie cosik inkszego. Zapraszomy Wos festelnie na „Śląsk rajcuje” do kina Kosmos w Katowicach.

Tekst:
Klaudia Roksela

Co byś na to pedzioł?

fot. Adrian Midgley

Skond sie wziyna kara?

U nos na Ślonsku kara, to ni ma to co sie dostowo, jak sie co fest napocho. Rozchodzi sie nom tukyj ło taczka, fest potrzebno we zogrodzie, jak sie chałpa stowio, abo graczków z bajtlami.

WIYNCYJ »

evan-kirby-104799

Ło szoferach i jich rajzach

Niy kożdy lubi szoferować. Jedni wolom siednyć na zadnim zicu i se kimnyć, inksi zaś wtynczos poczytać, abo pofoflać bez mobilniok. Ale som tyż tacy, co łod kierownicy niy łoderwie ich ani rugcugiym

WIYNCYJ »

fot. Iwona Łach

Szałot

Jak Ci wto powiy na Ślonsku, że by zjod szałot, to sie go spytej ło co mu sie rozchodzi. Bo po piyrsze szałot to je inaczyj sałata tako zielono a po drugi to je tyż sałatka ino, że z kartofli i inkszych gymizów.

WIYNCYJ »