Industriada 2013

industriada-2013-billboard

Za niycały tydziyń bydzie wieli fajrowani na Szlaku Zabytków Techniki. Wort je przyjechać do ślonskich miast na świynto tego naszego dziedzictwa przemysłowego. Bo niy ino idzie se bez żodnego geltu połoglondać zabytki techniki ale i posłuchać fajnych koncertów dejmy na to Carrantouhill, Me Myself And I, Indios Bravos abo Abradab. Mało tego, bydzie szło łostać na chwila grubiorzym i  dowiedzieć sie, jak to sie fedruje, karnońć sie kolejkom wonskotorowom, upiyc chlyb abo łoboczyć jak sie warzi piwo.

A wiycie co to je mapping 3D? Jak niy wiycie to przidźcie se łoboczyć.  A to niy wszyjstko. Jeszczeście niy widzieli takich srogich blyndujoncych lalek Dundu a łony bydom kiej sie wybierecie do Zobrza.

Bydzie tyż szło za darmo dojechać do niykierych zabytków. Skisz tego, że zrychtowane łostało poranoście autobusów i w kożdym bydzie na Wos czekoł przewodnik PTTK, kiery łokludzi ło tym, co kaj bydzie dzioło. A tukyj mocie mapa, kaj łony bydom rajzować:

industriada-autobus

Toż ni ma co se inakszyj łobmyślać, co bydziecie robić w drugo sobota czyrwca. Biercie do auta, na koło, moplik abo na barana swojich starzików, łojców, libsty, bajtle, przocieli i przyjyżdżejcie!! My tyż tam bydymy :) Toż zapraszomy! Chowcie sie!

To co my tukyj pedzieli to ino je tako czyńść z tego, co sie bydzie dzioło. Wiyncyj znojdziecie tukyj:

http://industriada.pl/Program

Idzie se tyż jeszcze łoboczyć filmik, kiery promuje to srogi fajrowani z zabytkami techniki:

Tekst:
Klaudia Roksela

Co byś na to pedzioł?

fot. Adrian Midgley

Skond sie wziyna kara?

U nos na Ślonsku kara, to ni ma to co sie dostowo, jak sie co fest napocho. Rozchodzi sie nom tukyj ło taczka, fest potrzebno we zogrodzie, jak sie chałpa stowio, abo graczków z bajtlami.

WIYNCYJ »

evan-kirby-104799

Ło szoferach i jich rajzach

Niy kożdy lubi szoferować. Jedni wolom siednyć na zadnim zicu i se kimnyć, inksi zaś wtynczos poczytać, abo pofoflać bez mobilniok. Ale som tyż tacy, co łod kierownicy niy łoderwie ich ani rugcugiym

WIYNCYJ »

fot. Iwona Łach

Szałot

Jak Ci wto powiy na Ślonsku, że by zjod szałot, to sie go spytej ło co mu sie rozchodzi. Bo po piyrsze szałot to je inaczyj sałata tako zielono a po drugi to je tyż sałatka ino, że z kartofli i inkszych gymizów.

WIYNCYJ »