Geszeft w Kato

geszeft-logo

Już za pora dni otwarci „Geszeftu” zrychtowanego bez chopów z Kato – Dominika i Michała.

20 czyrwca ło szóstej po połedniu trzeja być w Katowicach na ul Morcinka 23. Bydzie se tam szło sprawić prawie wszyjstko. Łod ksionżek, szkorup łobleczynio, załuśniczek, pieścionków, bryli, epyów, taszów przez koła. Bydzie tyż nasze gryfne łobleczyni z kolekcji „na zicher” i „gryfnie dlo bajtli”.

A i tyż napić dobrego kafyju abo tyju abo naszyj ślonskij brauzy. A wto je maszketnik bydzie se móg zmaszkecić kusek zisty.

Toż kiej byście niy wiedzieli co sprawić Waszym przocielom na gyburstag, weseli, krzciny, abo inksze łokazje przidźcie tam, a na pewno gibko znojdziecie coś gryfnego. Mało tego, to je Geszeft z tym, co nasze, lokalne, zrychtowane bez ślonskich projektantów i na Ślonsku. I tyż co ważne, to to, że niy som łone taki na jedyn roz ino bydom służyć na lata. Toż ciśnijcie do Geszeftu!

Co za wydarzyni? Łotwarcie Geszeftu
Kaj i ło kierej? Katowice, godz 18:00, ul Morcinka 23

A wiyncyj tukyj:
https://www.facebook.com/events/178665385635764/

Tekst:
Klaudia Roksela

Co byś na to pedzioł?

fot. unsplash

Skond sie wzion ciul?

Kiejbymy dzisio komu pedzieli „ty ciulu”, to by to było fest szpetne i żadne. Ale pora lot do zadku tak sie godało i żodyn sie niy gorszył. Dejmy na to baba mogła ciulnyć chopu abo kajś ciulło w drzewo.

WIYNCYJ »

fot. Mike  Gabelmann

Fojerman

Jak idzie łostać strażokiym? Powiym, ni ma lekko. Jak wto chce być inoś ochotnikiym, to ni ma wiynkszego problymu, ale coby łostać zawodowym, to trzeja sie namachać i to fest a fest. Nojprzód trza mieć zdrowie choby koń i  skończyć jakoś szkoła.

WIYNCYJ »

fot. Iwona Łach

Szałot

Jak Ci wto powiy na Ślonsku, że by zjod szałot, to sie go spytej ło co mu sie rozchodzi. Bo po piyrsze szałot to je inaczyj sałata tako zielono a po drugi to je tyż sałatka ino, że z kartofli i inkszych gymizów.

WIYNCYJ »